ما هيا هيا السكة
ونفس المشاوير
بس الفرق يبقى
ان العمر عدى
وصبحنا احنا غير
.............
عدى العمر فجأة
واتغير اللي بينا
وبقينا حاسين بغربة
حوالين بعضينا لكن
م احناش حاسين بخير
ما هيا هيا السكة
ونفس المشاوير
...............
يا قلوبنا ايه جرالك
ليه غيرتي حالك
بعد ما كنا واحد
اصبح كل واحد
جواه مقسوم كتير
ما هيا هيا السكة
ونفس المشاوير
..............
يا اخونا ايه جرالنا
الحزن ليه غالبنا
واحبابنا بعدوا عنا
وحتى ولادنا منا
بيشوفوا نفس المصير
ما هيا هيا السكة
و نفس المشاوير
..............
بقى ليه جوانا آسي
والبعد شئ اساسي
وليه الكل ناسي
ازاي كنا زمان
لبعض جوانا خير
ما هيا هيا السكة
و نفس المشاوير
...............
كلمات : سامى محمود حنفى
ليست هناك تعليقات:
إرسال تعليق