##نهيت الورطه##
بتظاهر انى ضعيفه
عشان احسسك برجولتك
بلاش تشفنى سخيفه
انا قصدى احلى صورتك
بقولك انا ليك محتاجه
ودايما اعملك حساب
بس انت بتفتكرها سذاجه
وبتقفل فى وشى الباب
صدقنى بعاملك بذكائى
بس فكرك صابه اللعنه
انت لسه مشفتش غبائى
ياللى قلبك محتاج طعنه
كفايه بقا مهازل
ده خساره معاك الصبر
مش هينفع تانى اتنازل
قلبك بقا ليا قبر
رجولتك مشكوك فيها
كلام صعب بس هيتقال
دى حقيقه صعب اخبيها
اصل الرجوله تبقا افعال
دور على واحده تشبهك
تعيش معاك حكايتك
ولا تواجهها ولا تواجهك
وفى الاخر تجيب نهايتك
اوعى تقول انى مغروره
لؤانا اصلا غلطه
صورتك قدامى بقت مكسوره
وخلاص انا نهيت الورطه
#بقلم:شيماء السيد#
ليست هناك تعليقات:
إرسال تعليق