***(( همساتك ))***
*****************
همساتك ياحبيبى تجينى
بتصحى اشواقى وحنينى
وتطفى فى قلبى ناربعدك
وتطيب جرحى وأنينى
وشعورك نعمه تفيض بيها
تملانى فرحه بتهانيها
ولو اسرح أناهسرح فيها
وتاخدنى الأيام لماضيها
واستنى الأشواق تشاركنى
الاقيك بتجينى تطفيها
كان نفسى اتمنى فى وجودك
واما احلم احلم بوعودك
تشاركنى دايما تحقيقها
وتواجه حظى بصمودك
وسمايا تنور بنجومها
ولوافرح مش هفرح بقدومها
انا فرحى وجودك فى غرامى
واتهنى بنورك فى احلامى
واما اسهر الاقيك ادامى
بتاخدنى الجنه نعيش فيها
واناديك فى ايامى وسنينى
واشيلك جوه يانورعينى
فى القلب العايش بوجودك
والهمسه منك تحيينى
والضحكه منك تسعدنى
ووجودك دمى ف شرايينى
نبضاتى بتقسم فيها
وبتفتح روحى تعيش فيها
واتهنى انا وانت سعاده
وبحبك تغزل تكوينى
وحنانك بيدفى حياتى
وف حضنك تحلوسنينى
*************************
بقلم / عبدالفتاح التلبانى-المحامى
*************************
ليست هناك تعليقات:
إرسال تعليق