عينى عليك يا قلم
وع اللى بيجرالك
الكل ليك إبتسم
طمعوا فى حوارك
شيفين حروفك مطر
ما يقدروا نارك
فاكرين كلامك سهل
بتجيبوا من دارك
عملوا الورق قراطيس
عبيلى أشعارك
زدنى كمان يا عم
سمعنى ألحانك
املأ الورق طلاسيم
يا محلا ألوانك
ما تعرف حروف المد
وكان تسألنى أخبارك
وده مين يبقى الحج
أنا مالى بهزارك
إخواتي شافوا الذل
ودابوا فى مرارك
حرام عليكم الناس
مش ناقصه أمثالك
ياللى مسكت القلم
إيه هى أفكارك
الكلمه رساله فكر
بتقولها بلسانك
وأنت تسوق القلم
مش هو حماااااارك
بقلم حسين محمد
ليست هناك تعليقات:
إرسال تعليق