فات الأوان
قبل ما تحكي ع اللي فات
وتتهميني بالخيانه
إنتي ليه رضيتي السكات
اللي فات فات زمانه
قبل ما تلوميني لومي
نفسك اللي سابت
قلبي غرقان بين همومي
نظرتي فيكي خابت
كنت محتاج لسؤالك
محتاج لحبي الأمان
ما شغلش همي بالك
ولا دموعي والأحزان
رغم إني بحقق آمالك
كان برودك هو حلك
كنت إجابة لميت سؤالك
وسؤالي كام مره أقولك
حاسس إني موش في بالك
حاسس إني فقدت ضلك
لقيت الإجابه بره منك
لقيت الدفاء للبرود
سحبتيني وموش غصب عنك
سكاتك كان لأبعد الحدود
حتي وأنا في التردد
تركتي إنتي الصوابع
شدتني هي بالتودد
حسيستني حبك تابع
كنت مستنيكي قوي
إهمالك كان ضعف واضح
مسكتني هي بكل قوه
حب عشق بدون تراجع
ليه دلوقتي بتلومي عليا
وتتهميني بالخيانه
خرج موضوعك من إيديا
وقلبها أكبر أمانه
حبك كان أقوي منها
قوتني هي بالأمان
كسرت برودك بحنانها
فات عليكي الأوان
.......فات الأوان....
محمد لطفي ابو الفتوح
ليست هناك تعليقات:
إرسال تعليق