خلاص يا قلبي
الكﻻم فرق ما بينا
وخد منا أعز أحبابنا
وسابنا فى الجراح عايشين
والمﻻم زود أهاتنا
وخلى الحزن يعرف بابنا
ما ترحمونا يا حاسدين
والخصام نزل دموعنا
والفراق عرف مكانا
وضيع منا أحلى سنين
آه يا قلبى إيه اللى نابك
من فراق وبعاد أحبابك
غير دموع وقلب حزين
آه يا زمن مليان جراح
آه يا زمن العمر راح
بافرح ليالى فى وسط سنين
كان واعدنا يفضل معانا
لو تعبنا معاه دوانا
سبنا وفى القلوب سكاكين
يا قلبى فاتنا ونسينا
يا قلبى والبعد كاوينا
أنسى وألحق عشلك يومين
آه يازمن غاوى تعاندنى
آه يا زمن ضيعت منى
أجمل وأحلى و أغلى سنين
خدت منى أغلى ليالى
وسبتنى عايش لحالى
وايا جراح وألم وأنين
تحياتى
طارق الصباغ ابومحمد
ليست هناك تعليقات:
إرسال تعليق