صهرجت
صهرجت**!عافيه فى الهموم والزار
وقلوبنا حافيه محتاجه لمنظار
وانا واد بقافيه ف الامور محتار
ولا يشفى شعرى خلق صابها سعار
انا ليل نهار غاوى احتضار
سامع لدق الطبلة والمزمار
وحريم مع دجال وكام جوز م الفراخ
وبخور فى منقد شم ريحته داخ
ودم على الارض ريحته ناس اوساخ
شب شب لهم شبه وقال على الاوصاف
والبنت كات شابه معمول لها اعراف
عمل وكان سفلى وخادمه جان بصباص
ملازمها فى النومه وحابسها جوه اقفاص
صهرجت هنومة سم سحرها كان داء
حلت ضفاير شعرها وسحرها ما انداء
جابوا القرموط من الترعة زادت سرعة
والشابه والعة ما لاقولها دواء
#مصطفىقمر
ليست هناك تعليقات:
إرسال تعليق