الديانة أنين
----------
الليل مخاوى بالوجع
والديانة أنين
الأمان حضنه شراقى
والنواح فدادين
النجوم خربانة تايهه
متوهه كل السكك
فى متاهه طين
الخسيس هوه الجدع
والنهار مساكين
و هيه رقاصة بصاجات
فى كل شارع والحارات
حبيبتى مسكنها فى كمين
اللى سهران نام فى سره
واللى ناموا سهرانين
والولاد اللى فى ملامحى
اللى مفتوله فى جوارحى
والبنات اللى فى سرى
كلهم سكاكين
كل ما يعدوا فى روحى
يسألونى أنت مين
ومنين وفين
والسؤال مالوش إجابة
إلا كلمة مدفونين
--------------------
رضا شلبى
ليست هناك تعليقات:
إرسال تعليق