(( البطل منسي ))...
إسم البطل منسي.....
و ما عمره كان منسي.....
ذكراه في قلوبنا تعيش
و بدمه يا أمي
مركبك ترسي.....
و حياتي يا امي
ما تبكيش......
إبنك بطل
صدق مع ربه .....
سلاحه في جمبه
و إيمانه في قلبه
حتي الطيور بتحبه
يناديها تلبي و كأنها
مجندة في الجيش.....
إبنك يا أمي
في الجنة حي
وجهه كما الضي
و بكره حقه جاي
و حياتنا من غير جهادنا
ما تساويش ......
و إن قالولك إبنك مات
ما. تصدقيش.....
قولي لهم من سكات
بكفاية قهر و آهات
قطر عمره عدي و فات
لجل بلدنا تحيا و تعيش......
انا إبني كان وحيد
و دخلته عليا عيد
مات لأجلي شهيد
و غيره في الدنيا ماليش......
ربنا .. أكرمني بيه
و هيشفع ليا و ليه
و في الجنه هلاقيه
في جماله زيه مافيش.....
و مع كل فجر جديد
يتولد للبلد ألف وليد
بعزيمة قوية و يد حديد
قلوبهم معاكي
و أرواحهم فداكي
يا مصر ما يهمكيش ......
د/عمر عبد الجواد عبد العزيز
ليست هناك تعليقات:
إرسال تعليق