شهداء هم
بإذن الله أرواحهم حولينا طايرة
نسمة فى كل الدنيا
وإبتسامة عريس الجنة
آية وشهادة ليه
بنظرة بكت ليها عيونا
وهو فرحان وسط كفنه
لما شاف عرسه
بموكب الملايكة وتقوله
يابختك يابن أدم بهدية ربك
النهاردة يوم شهادتك
وإنت بتدافع على حدودبلدك
ما همك غير رضا ربك
فى حما عرض أهلك
من شرراية سودا
مرفوعة بأيادى عوجة
كسرتها رغم موتك
بفضل رضا ربك عنك
يافرحة أهلك بك
وعروسة كانت مستنياك
ترجع وتكمل حلمك
بس هم فرحانين لك
وزغاريد ملت البيت
وإنت بتسم ليهم
تسلم وتقول كلمة
لكل غادر فى أرضينا
بكرة نار ولعة
على كل اللى مكر بينا
ومشى فى موكبنا
وبدموع التماسيح بكا
وايده عليها دمنا
وفاكر إن احنا مش عرفينه
وحيات تراب بلدنا
ودم إخوات سابقونا
حضروا عرسنا
بزفه ماحلمنا بيها
هانكون ليها
وماهاتغيب شمس بلدنا
طول مافى زينا على أرضيها
بس ابقوا نادوا علينا
بالله أكبر الله أكبر الله أكبر
زى ماقلها منسى
هزت الجبال حولينا
وقوت قلوبنا
وشوفوا مجهودنا
رغم إنا استشهدنا
سلام يا أهلينا ومش تبكوا علينا
إفرحوا لينا إفرحوا لينا
وإنت يازميلي فى جهاد لأرض غالية قوى علينا
إدعى من قلبك
إنك تبقي زينا
بشرف ماينلوه غير اللى راضى عنه ربنا
سلام يابلدى مع إنك ماهاتغيبى عنا
زى ماقال ربنا
فى كتاب نور الدنيا حولينا
روحنا هنا روحنا هنا روحنا هنا
تحمى وتدافع عن أرضنا
مع إخوات لينا من سنين سابقونا.....
................بقلمى حسام غنيم
ليست هناك تعليقات:
إرسال تعليق