(حواء)
عن بنت بتشوفها ترسم جمالها دروب
فى عيونها زهره خجل تفتح بيبان وقلوب
بحجابها قطره ندى تشفى أنين وكروب
وإدبها نهر إتوجد يغسل الآم وذنوب
وحنانها يا الله ينشر سلام ينهى حروب
عن قلب لما إتخلق من ضلع آدم كان
عن همس لما إتوجد كان للأمان عنوان
عن حب لما إترسم داوى جراح والآم
وبراءه جوه عنيه بتواسى هم زمان
بأديه تطيب لمسته فتبدد الأحزان
عن ام بتصونها هى فى الأساس جنتك
بحنانها تحضنها تنسى الآم شكوتك
ولراحتك إتفرغت تدعى زوال شكوتك
وبحبك إترصعت تحلم دوام فرحتك
هى فى الوصال جنه هى روح ونور ظلمتك
تحلم وتتمنى تلقى جواب دعوتك
فى ايديك جمال دنيا وضمان عبور اخرتك
فادعيلها فى غيابها داخلقنا رب قلوب
هى اخت تداعبها تلقى الحنان انهار
وبحب تكسبها تلاقيها بير اسرار
وان يوم حزنت لشىء تلاقيها ريح اعصار
تمحى اللى كان من الحزن وتغير الاقدار
هى اختك هى زوجتك هى ام الف شهيد
هى بنتك اللى فى يوم هتداوى الف مريض
هتشيل فى يوم اسمك وان مهما كنت بعيد
تدعيلك الجنه والعمر يبقى مديد
حافظ عليها وكون للاب رمز مجيد
والاخ ويا الزوج والابن حب جديد
بقلمى : بسنت خلاف
ليست هناك تعليقات:
إرسال تعليق