....(( في نظرة عنيكي )).....
في نظرة عنيكي ألف سؤال
فين الوفا و فين الصفا
و ليه الجفا دا البُعد طال ...؟؟
و إمتي ترد السلام
و يعود الوئام
و نحقق سوي الأحلام
و يتم الوصال .....؟؟؟
وأنا في لمسة إديا الجواب
و في نظرة عنيا ليكي عتاب
إنتي لسه بتسألي .....!!!
و من حبي بتقلقلي
و مش عايزة تعقلي
دا إنتي ليا أعز أحباب
و القلب حبيبتي لهواكي مال.....
حبك... إنكتب في قلبي
لا عارف أداري
ولا حتي أخبي
بدل ما تلوميني
و علي بعادي تعاتبيني
بكلمة طمنيني
وفي قُربك يرتاح معاكي البال.......
أنا اللي عاشقك من كام سنة
بس الزمان عليا و عليكي جني
و في قلبي رسمتك
و بتوحشني إبتسامتك
و إن طالت أساوتك
الدنيا كلها ......إلا أنا.......
دا البعد عن حضنك مُحال.....
د/عمر عبد الجواد عبد العزيز
ليست هناك تعليقات:
إرسال تعليق