العـرافــه// بقلمى // صابر الطوخى
موصوف لك
كشــف حـب ورشــتة غــرام
موصـوف لك
حقنتين عشـق وكبسـولتين هيــام
موصـف لك
عملية تغيير قلب مات من كتر الآلآم
موصـوف لك معلقتين صبـر
وتـرمـى حمولك على الأيـام
موصوف لك سرير ف واحة النسيان
وقلب رقيـق لا اتخــدع ولا خـان
موصـوف لك مهـره أصيـله
تعيـش ف حضنـك من غـير لجــام
تعوضك عن اللى راح وعن اللى كان
وتحس ف نظرة عينيها بالأمــان
اسمع كلامى يابنى وخد نهاية الكلام
وعيش حيـاتك بعـيد عـن الآحـلام
اوعـى تعشـق حمـامه بريه شقـيه
لا تخطــف قلبـك وتهجـر البنيه
وطـير بنبضـك وسـط الزحــام
وتسيبك غرقـان ف دوامة الآوهـام
الحمـام كتير وعلى كل شكـل ولون
فيه حمامه توزن لك الحب بالجرام
وفيـه حمـامه تخليـك تدمنهـا
من لسـانه الحلـو ومن طعـم الكلام
وفيـه حمـامه تنـورلك طـريقك
وتشـيل من علـى جفونك الغيــام
وفيه حمامه بتحب تمشى على هواها
واحنـا مش علشـان حمـامه ياولدى
هـ ندبح كـل الحمــام
انا خلصـت ضمـيرى ياولــدى
ودلـوقتى أقــدر أقـول لك سـلام
ولما تلاقى حمامتك حافـظ عليـها
ومتسبهاش تمشـى ف وسـط الظـلام
لانها بتعشقك بجنون وهتعيش معاك
حتى لـو ف خيمه من الخيـام
بقلمى// صابر الطوخى
ليست هناك تعليقات:
إرسال تعليق