بتأمل
=========
بتأمل وبتخيل
كأنى فى رحلة
شوق ومحبه لمحبه
وبرسم لوحه
ود وموده
فى جمال عيونها الخضرا
وهي مرسومه على قلبى
وكأنها عصفورة كناريا
متعلقه على شراع سفينه
بعيده فى وسط البحر وبتغنى
مع النورس والبحارالمحتار
وهو بيصطاد سمكه الحفار
وبتسابق النسمه على شراعها
وخايفه تطير وتتوه
فى زحمة الأمواج
وما ترجع فى يوم للشط
وشايفانى وعارفانى ومشتاقه
ليا زى م أنا مشتاق وأنا حيران
ومش حاسس فى
غيابها براحة نومه
ولا طعم للقمه
ولا حاسس بأمان
وأنا غلبان زى
ما هي غلبانه
ولكنها عنيده
وبتعوم ضد التيار
وغاويه تعذبنى
ليل ونهار
وقلبى تعب
و احتار وأنهار
وهي مش قابله منى
أى عتاب ولا أعذار
وأنا خاوى إلا
من حبها الجبار
و أسرنى جمالها الوردى
ويا عيون مليانه بالأسرار
وشدنى لفكرها المحتار
بلا رحمه ولا شفقه
ولا فرصة واحده للإختيار
====================
بقلم///محمد العليمى///
ليست هناك تعليقات:
إرسال تعليق