من كام ألف عام
علمونا نفس الكلام
إننا أصحاب حضارة
وإننا إحنا المنارة
وكفاية أنا للدنيا ماما
بس بابا فين ياهو
...................
كانت حقيقة مش كلام
واستمرت كام ألف عام
بس المصيبه جه طوفان
حول نور العلم نار
والجهل أصبح فنار
تتجمع حواليه شعوبنا
تتعلم من غير علام
وننه ننه نمنا هوووه
....................
اكتافنا بتاريخ وبس
واتناسينا نقرأ فيه
واتنفخنا ربينا كرش
وكل حبه نهز رمش
ونقول إحنا الحضارة
لأ و إيه كمان منارة
للعالم ب إللى فيه
وننه ننه نمنا هوووه
..................
وفجأة جت حبة ديابه
استفادت من اللى إحنا فيه
علمونا إن بالشهادة
هيا أهم سلاح وبس
خلونا نقرأ من غير ما نفهم
خلونا نحفظ بدون ثقافه
ونسينا أن الثقافه أصل العلام
صبحنا حبة حروف وبس
حبة جمل ماهش مفيده
واللى فاهم هج سافر
بنى هناك تانى حضارة
وإحنا لسه عايشين فى ماضى
إننا إحنا المنارة
وبقينا نايمين نومة مرارة
ننه ننه نمنا هوووه
...................
لخبطة .. سامى محمود
ليست هناك تعليقات:
إرسال تعليق