يا قلبي ليه ما بتتعلمش / بقلمي/ بيبو البدر الساطع

يا قلبي ليه ما بتتعلمش بتنجرح وتقول محصلش
هوه انت ايه ما بتستسلمش رغم الألام ومابتستحملش
لا يا قلبي انجرحت كتير والجرح كمان يا قلبي كبير
وكفايه يا قلبي لحد كدا وقول معايا دا كدا رضا
وارضى شويه بالمقسوم بلاش بقى كتر الهموم
يا قلبي يا مظلوم ما تشمت فيك العدا
&&&&&
يا قلبي ليه ما بتتعلمش بتنجرح وتقول محصلش
هوه انت ايه ما بتستسلمش رغم الألام ومابتستحملش
ما تنسى كل أحزانك الله يسامح اللي خانك
وخلاك واقف مكانك ثابت ما تتحركش
في ناس محتاجلك وانت مش واخد بالك
بتفكر في اللي جرحك وبتنسى ليالي فرحك
&&&&&
انساه يا قلبي انساه وشوف اللي عايزك معاه
يمكن ف يوم تهواه وتدوب كمان في هواه
دا اللي باعك بيعه و متفكرش فيه
دوور على قلب تاني ينسيك سهر لياليه
بس ما تظلموش وف يوم ماتجرحوش
جربت الجرح ياما وإياك ماتنسهوش
لو مر طيف الماضي اسكت ما تتكلمش
قوله يا قلبي كفايه هوه انت ما بتتعلمش
هوه انت ايه ما بتستسلمش رغم الألام ومابتستحملش
يا قلبي ليه ما بتتعلمش بتنجرح وتقول محصلش
&&&&&
بيبو البدر الساطع 
كلمات تم توثيقها ...بيبو