بكى الولد
بكى الولد كان نوح
محتاج سفينة نوح
تتحمل الأزواج
والضبه والمزلاج
تفصل مابين البين
رغم ان فيه تعابين
واسود مع النسانيس
بكى الولد تفليس
الحلم كان شهده
كان فى المنام شاهده
والفجر كان عاهده
ع الحب والتفاريح
صبح بحلمه جريح
طلع الميدان عده
ولقى الجبان واخده
نزلت دموع خده
لابس كمامه بتخنق الدخان
سراب وبيبيعوه ف الخان
اشلاء بنى آمين
لكن سكان
فى الصحة معدومين
ومحسوبين ف الشان
نزع الكمامة وبانت دموع العين
طلبت سلامة لصحبة المساكين
قالت الدموع يانوح
الحلم ليه مدبوح
ليه الكتاب ممسوح
شاب الولد فى الحلم
من كتر سفك الدم
اما الميدان بقى غاز
مليان بشوك وإزاز
كل اللى ماتوا عزاز
واتحطوا فى البرواز
#مصطفىقمر
ليست هناك تعليقات:
إرسال تعليق