كلمتين وبس 3
فيه حاجه يا جماعه بتحصل كتيييييير جدا من الستات بالذات ،
موش قادر افهمها لغاية دلوقتى ،،، مع انى راجل كبير فى السن يعنى موش صغير ،،،
على سبيل المثال ،
لما تيجى واحده تقف فى البلكونه بتاعتها علشان تنادى على عم ابراهيم البقال ،
تسمع صوت مختلف تماما تماما عن الصوت العادى بتاع الست دى ،
لو بياع ماشى مثلا بيبيع فاكهه تلاقى المدام خرجت من البلكونه تنادى على البياع ده وصوتها اتغير موش
180 درجه لأ قول 360 درجه ويا سلام بقى لو حصل نقاش مع البياع ، هنا بقى يظهر الصوت الحقيقى ، فبالتالى البياع يتخض وعلى قد ما يقدر يحاول يخلص البيعه دى علشان يغور من هنا ،،،
طيب ليه ؟؟؟ وايه سبب تغيير الصوت والألحان اللى بنسمعها مصطنعه دى ، ؟؟؟
ياريت لو حد فيكم يعرف يجاوبنى بأمانه لأنى نفسى افهم ده بيحصل ليه ؟
هل ممكن تكون بتحاول اصطناع الرقه ، أو الجمال ، او الكبرياء ؟؟؟
موش عارف وياريت حد يقوللى ، يمكن نستفاد بحاجه علميه ،،،
موش كده واللا ايه ؟
ليست هناك تعليقات:
إرسال تعليق