حب ابكرامة
حسان الامين
يالغلاتك بغلات النهر
عند كل بلد
يالمحبتك
محبة الام صارلها اسنين
منتظره ولد
سئلوني تحبها
كَلت محبتها بلكَلب شكبرها
واشكَد
لكني من احاجيها تندار وتصد
كَالوا اتركها ولا تبقى عليها
كلت خل اتعب بحبها
فمن جد وجد
عسى انها تحس ابناري
وتطفيها
وتجي الي
وانحط خد اعلى الخد
يا خوتي كويه عيونها
وما تنكسر
ولو ان روحها تنازلت
طبع الي بيها يتمرد
اهجع يا كَلبي
واسكن ولا تتهور
لا تطخ راسك
ولازم تحط اله حد
شما نزلت نفسك هي تتكبر
وجوياتك
تظل تسعر وما تبرد
وتبقى بعيونها انت الصغير
وتصير بحكم دكتاتور
وبحكمها اعليك تتفرد
نصيحه الك
عيش ابكرامه
وابـ غير الكرامه
ما طوّل بالمحبة احد
ولا ترجع وتظل ندمان
اكتم حبك بالكَلب
وأقتنع
عسى وضعها وياك
يتغيير ويتجدد
ليست هناك تعليقات:
إرسال تعليق