بيتنا القديم
محلاك يابيت قديم بطين
فوقك مخازن للخزين
قمح *ودرة* ليوم الطحين
ولمبة بجاز وناس عزاز
وقت الشتا فيه دفيانين
والصيف لطيف وسهر وكيف
ولا كنا يوم فيه حرانين
بيتنا القديم كان بيت بطين
زى البيوت فى الفلاحين
الفرن فيه وخبيز عجين
والفرح فيه غالى وثمين
كان بيت بطين لكن يزين
حبك لابوك وامك واخوك
والاخت شمعة فى اليمين
راحة نفوس لقمة بغموس
تجمع توحد اهلنا وتحظنا
ايه اللى تاه ضاع مننا
البيت بطين والا حبنا
مصطفى قمر
ليست هناك تعليقات:
إرسال تعليق