شعر حر/ بقلمي / عبيد رياض محمد / (شكلك ناويها)

أغنية 
(شكلك ناويها)

شكلك ناويها
و عارف اللي فيها
وبتقول حياتي
بتحلي معاك

بتقول بحبك
و نفسي أبقى جنبك
و أسكن في قلبك
وأبلغ رضاك

بتقولي تاني
أنت عشاني
يا حبي و حناني
و مالي سواك

إيه تكون حياتي
يا ساكن ف ذاتي
وكل أمنياتي
تتحقق معاك

مفيش غيرك أنت
و عمري هو أنت
بحبك زي م أنت
يا أجمل ملاك

حبك حنيني
يسكت أنيني
ومعاك هتلاقيني
بدوب في هواك

بحبك يا عمري 
و ليك سلمت أمري
بحبك و قلبي 
مالوش غير هواك

أنت يا غالي 
و دايماً في بالي
و إيه يبقي حالي
لو مش معاك

بحبك بحبك
بقلبي بحبك
بروحي بحبك
و كلي فداك

بقلمي / عبيد رياض محمد

10/7/2016