انتي مين / بقلمي / د/عمرعبدالجواد

...(( انتي مين ))...........
انتي مين يا شاغلة بالي وكنتي فين من سنين ؟
سهرتي عيني ليالي وفرحتي قلبي الحزين .
وجددتي بوصلك آمالي وشوقي زاد من نظرة عين
بعد حرماني أيام و ليالي.. .عاد في قلبي الحنين .
وجريت عليكي بشوق السنين اول ما شوفتك قبالي.

انتي مين يا شاغلة بالي وكنتي فين غايبة من سنين ؟
سحرتي عيني بنظرتك.وملكتي روحي بخفتك
و أسرتي قلبي بضحكتك و نسيت زماني
و نسيت مكاني.وحسيت كاني أتولدت تأني..

انا كنت قبلك وحداني ومن نار الوحدة بعاني
وعشت انا وقلبي في وحدتنا واتحرمناحتي م الأغاني
لا حد كان بيسمعنا والدنيا بعدتنا حتي عن روحنا
وحتي الربيع لا كان له لون ولا معني
ومن نظرتك منا عارف ايه جرالي ؟

انتي مين يا شاغلة بالي وكنتي فين غايبة من سنين ؟
وآدي زماني نصفني تاني و القمر جاني بعد غيابه سنين
ورق قلبه لحالي... يطفي ناري و ينسيني الأنين
ملكتي روحي وكياني من همسة و لمسة و نظرة عين

الزمن باينه هيسمعنا ..وناوي لروحنا يرجعنا
يصالحنا ...يفرحنا.... ونحضن بالفرحة أيامنا
تعالي ننسى اللي فات و ننسي حرقة الآهات
وسنين عمرنا اللي عدت من سكات
و نعيش سوي زكريات حلوة تجمعنا.
انتي مين يا شاغلة بالي وكنتي فين غايبة من سنين ؟

د/عمرعبدالجواد