...(( عيونه خدعوني))...
عملت حساب للناس.
و داريت الدمع في عيوني
و بنيت من الوهم أساس..
أتاري عيونه خدعوني
ولقيته ناسيني خلاص..
و عزالي في حبه لاموني
وأنا كلي دم و إحساس
و هو و الناس نسيوني
أعتب عليه و لا علي
قلبي اللي صدق عنيه
أنا قلبي كان متعلق بيه
و الناس لعيونه هجروني
ليل و نهار قلبي يسألني عليه
و يقولي ليه صدقت عنيه
لو كان قلبه لسه شاريك
ما هان البُعد. عليه.....
عيون الناس تجرح فيك
و هو. و لا أثر فيه......
خلاص يا قلبي إنساه
دا عيونه في هواه.. خدعوني.....
د/عمر عبد الجواد عبد العزيز
ليست هناك تعليقات:
إرسال تعليق