±±±±±[مصر باقية]±±±±±
بقلمي..حسين إبراهيم
مصر باقية
مصر داير فيها
طمبور وساقية
مصر مش مسلم
أو مسيحي
أو جريجي او تاروت
مصر لايمكن تموت
مصر مش تراب وأرض
مصر كل حر صوت
هي دم وهي عرض
باقية مهما الزمان يفوت
يأل واهم تاخد منها شبر
يأل فاكر إننا مجرد خطوط
مصر ماتفرط في رمل
وإحنا لينا أعلا صوت
لو في ترابها نفني
لو يمكن نعرف معني
السكوت
راح تسمع الجبال بتصرخ
ورملها ليك تابوت
ورغم عنك النيل هيجري
والأرض خير هتطرح
والسما فيها تمطر
و أنت بأيدينا تموت...
ليست هناك تعليقات:
إرسال تعليق