قلم-------- رصاص
متقولى إيه السبب
يا أبو سن انتيكه
آيه يعنى لابس عمامه
جواها استيكه
تكتب وتشطب براحتك
والحجه تفليكه
حاسب لا سنك ضعيف
والحاله شيكا بيكا
راح يجى يوم تنكسر
من كلمه تلكيكه
ولا راح يفيدك ندم
ولا غنوه ع السيكا
وبلاش أقولك كمان
حينعكشوا قبرك
والحجه إنك رصاص
فى الأصل ياويكا
وأرجع وأقولك نصيحه
من قلم صاحبك
إياك يغرك حروفك
وتأسى على صاحبك
تكتب وترسم حكاوى
علشان هوى صاحبك
حيكون ساعتها الألم
طالك وطال صاحبك
بعد مابدل حروفك
والحبر صار صاحبك
لا شطب ينفع معاه
ولا استيكات صاحبك
بقلمى / مهندس شاعر
على البحيرى
ليست هناك تعليقات:
إرسال تعليق