**مصر .
ف عينيّة قمحك , ملامحك'ف عينيّة طلّة نخيلك .
ف عنيه خيرك,و طرحك'ف عينيّة دول سلسبيلك.
ف عينيه دول كبرياءك , ف عينيه هرمك, ونيلك .
ف عينيه زرقة سماكى , ف عينيه خضرة نجيلك .
ف عينيه طيبة قلوب , باشوفها كلّ امّا اجيلك .
ف عينيه لو تأمري , ..... فى النن لازم أشيلك .
ف عينيه لو تندهى , ....أحضن هواك , واجيلك .
ف عينيه شايفك حمامة, .. تملّى باسمع هديلك .
ف عينيه شايل جنود ' ماتوا النهاردة ف سبيلك .
يا مصر إيه اللّى حاصل? قطعنا كلّ اللّى واصل !
حاسس خرجت فاصل , وفشلت أرجع, واجيلك !
يقولوا " خاين, عميل " - ما خنت - لكن عميلك .
شايل همومك فى قلبى,فوق راسى شايل جميلك.
مين اللّى عكّر سماكى ?... مين طفّى قناديلك .?
لا عاد كبيرك كبير, ......... ولا صغيرك جميلك .
والرّحمة بين الخلايق ' تاهت فى زحمة عويلك .
والدّم أصبح مباح' ....... ما بين نهارك, وليلك .
تفتكرى' رح ييجى يوم أفرح, .... واغنّى لك .?
صبري على
ليست هناك تعليقات:
إرسال تعليق