وليه تستنى عين تفتح
مدام الحس فيك عايش
بيسند صلبك الواقف
يلوّن وهمك الزائف
ويرسم فكرتك بكرة
يجوز الدنيا بتعاكسك
وتدفن منها فيك عبرة
لكنّ الفكرة فيك تنطق
أنا أعمى وبيجازف
فجمّع كل افكارك
وتنسى الفكرة دي فيهم
لأنّ الأصل فيك شايف
ومهما الدنيا هتكّذب
كفاية فـ ذاتك العارف
وصدّق نفسك إن أنت
هتقدر تسمع الفكرة
تشوف الكون بعين كونك
وسوق الدنيا كمخالف
وردد قول أنا قادر
أنا اعمى .. لكن شايف
#أمل
ليست هناك تعليقات:
إرسال تعليق