(( إلي والد الشهيد مصطفي ))
(( إبن مركز الواسطي ))
إبني يا حبيبي ونور عنيا
خارجتك طالعة من عنيا
علي أد ما إنت غالي يا إبني
بلدنا ياحبيبي غالية عليا
دمك يا مصطفي غالي
وإسمك في السماء عالي
و رزقك بقي عند ربك
مع شهداء كتير قبلك
ونورك بين الأنبياء بيلالي
يا مصطفي يا خيرة ولادي
أروحنا كلنا فدي بلادي
وغصب عني دمعتي سابقاني
لا قادر أمنعها ولا قادر أقول آه ياني
يجمعنا سوي ربنا مع النبي الهادي
أنا يا مصطفي فخور بيك
كان نفسي أميل وأبوس إديك
وأنا يا إبني بطلت اٰبكي
ولا علي فراقك لحد أشكي
قادر ربنا يصبرني عليك
وفي الجنة يا إبني يجمعني بيك
يا مصطفي يا فخر بلادي
يا أعز أولادي وعز أحفادي
في الجنة يا ابني تتهني
قدمت روحك بدلا منا
ولا طايفة الفجار تحكمنا
وتحفظ لمصر مجد أجدادي
دِ/عمر عبد الجواد
ليست هناك تعليقات:
إرسال تعليق