كل ما اقول انسى...!!!
وكل ما اقول انسى
ارجع تاني لنفس النقطه
نفس البدايه تندهلي
نفس الوجع
نفس القصه
اصل مستحيل
بالسهل كدا انسى
و الماضي يصير ذكرى
حلفت كتير ايوه
حلفت مش ناكره
حلفت للماضي
ما انا راجعه
لكن خسرت الحلفان
و النسيان بقاا كدبه
ادارى ورا جدرانها
بقول نسيت ايوه
و بضحك
و عايشه
لكن من جواياا غارقه
جوا بحور بلا مرسى
شطآنها حطب نيرانه آسيه
و اهي ماشيه
دنيا و بنعيشها
لكن مستحيل
بالسهل كدا ننسى
بين الثانيه و اللحظه
حاجات كتير بنشوفها
كمان بنعيشها
يمكن لغيرنا شئ عادي
لكن جوانا بترسى
جوه القلب راسمه
مية الف حاجه
..........و عايشه
سمر علي
