الدور علي مين
فن الجراح بقي مهنتك
مين فهمك ...مين علمك
معني الخداع كان قضيتك
قادر عالبيع ......
و أتخرجت من كليتك
.
ياتري أنا كنت أول تجربه
ولا فيه غيري شرب من كأسك
والدور علي مين في المصيده
وتمثل إنه علي رأسك
.
الدور علي مين
خدت معاك غلوه بسيطه
ببراعه ....بخداعه ...
ولا فيه أي ملاوعه
.
إزاي مسكت السكين
زبطه في إيدك تزبيطه
بقناعه.... بجرائه..
تدبحني من غير ما أوعي
.
الدور علي مين
مسحت الكل بأستيكه
ماظنش قلبي إنه هيقع
في شباك خاين م الأول
.
ماعدناش عارفين
أنا ولا الدنيا اللي عبيطه
لما صبرت عليك وعمري ولع
وأنت تكون للخيانه بتتحول
.
فنان وأعطيك الشهاده
مختومه بقلبي....
أتفضل
.
وهتلاقي غيري وزياده
بينهم وبين حبي....
تفضل
.
روح دور علي غيري
هتلاقي....
هيقبلك زي كتير
.
أحكيلهم ياعصفوري
علي غبائي...
واريهم إن أنت كبير
.
أرسم في الصوره ولونها
داري السواد
الطيبه في قلبك ما مكانها
غش العباد
.
ربك قادر هيشوفك
هيجبلك يوم
.
يفضح وشك بتعريفك
أستني اللوم
الدور علي مين.......
.محمد لطفي ابو الفتوح
ليست هناك تعليقات:
إرسال تعليق