أنا موجوعة بقلم اميرة مجدي
أنا موجوعة
جوه ضلوعي أنين وحنين
أنا موجوعة
وصرخة حزينة تقول أنا مين
تايهة وضايعة
بين الحلم وراي العين
حاسة بلوعة
واجعة القلب وباكية العين
نفسي اعيش
ويا الفرح ولو ساعتين
نفسي أكون
زي الطفلة بريئة وصافية
نفسي أطير
زي فراشة ويا النسمة
هو كثير
إني أعيش مع حلم جميل
حلم بسيط
فيه الفرحة وكام قنديل
وسط الضلمة
أسير علي نوره و أمشي طريقي
وسط الزحمة
الاقي مكاني وانجي غريقي
نفسي أعيش
ويا الفرحة ولو أيام
واسعد قلبي
ويا حبيب ويا الأحلام
بس الظاهر
إن الفرحة كثيرة عليا
وإن الدمعه
لازم تفضل مالية عنيا
أنا موجوعة
ليست هناك تعليقات:
إرسال تعليق